اكرهيني

تتلاقى أعيننا لوهلة

فتأتي على قلوبنا شُعلة

و يكأنهم أشخاصُ إحمرت وجوههم حنقاً و غضباً

ثم ينفجروا باكين على ما أوصلناهم إليه

نتباهى بالتظاهر و يكأننا لا شيء قد أصابنا

و نحن في أقصى درجات الألم نبتسم خوفاً

و لكن سرعان ما تأتي علينا لحظات الوحدة فيتكشّف لنا شريط ذكرياتٍ عابر

قصير في وقته و لكنه صاحب أثر قصة 1000 عام

قرأت قصائد الشعراء الباكين على أطلالهم

وجدتهم يبكون على نساءٍ لا يستحقون

و لكني ها أنا أبكي على من تستحق

أبكي على من أكوي قلبي و قلبها كل يومٍ بإرادتي

و كأنني أنتحر و لكنني لا أنتحر فينبُت لي قلبٌ جديد أكويه من جديد

عذابٌ مستمر

سجن كئيب مظلم وضعتُ نفسي فيه و لا أستطيع الخروج

فالباب مفتوح

و لكني لا أقوى على الخروج

اكرهيني بقدر حبك

اكرهيني و انبذيني فأنا المذنب في حقك

مزقي رسائلي القديمة

احرقي متعلقاتي لديكي

صدقي كل ما يُقال عني

عن السيء أتحدث

فمثلي ليس له إلا جحيم هذه الدنيا

أما الآخرة فإني اطمع في الرحمة

بأن يجمعني بك هناك

ماهو مش نافع

طيب ماهو مش نافع قعادي معاكي ولا اني اسيبك

حبك شاغل وقتي و بعيد عنك قلبي مش بيسيبك

يا اللي آسرني و مدوبني في عشقه -مسيرِك

تِحنّي عليا و ترفقي بيا و تفضلي جنبي أشِم عبيرِك

يا مسهرني و يا اللي تاعبني كل ما باجي اكتب قلمي مبيكتبش غير في سبيلك

بييجي بيكتب عن نظراتك تبرُق عيني تفتكر إسبوع سهرته تجمع تفاصيلك

ييجي القلب ينبُض بيكي

-و اللي ما ليكي-

انه ساجني

 و عمال أشعِر و أنثِر فيه

 بس مبحبش اكتب اسمك وسطيه

لاحسن حد يطمع فيكي -و يحاول بس يقرب ليكي-

ساعتها يكون مصيري السجن

هكسر رقبة و اقطع رِجـــــل

يا اللي آسرني و مدوبني

إمتى يوفقنا عالم السِر !! J

مش داري

لما بشوفك ببقاش عارف ولابقاش داري ايه اللي بيجمدني و يجري الدمع في عينيا!

اخبّي وشي مِنَّك و ببقى نفسي اكلِّمكْ

يومي كان بينور بمجرد تبسّمِكْ

كفايا عليا العذاب لما بلاقي مبتبخليش بضحكتك على الخلق كلهم و ييجي وشك في وشي تهربي

أدوّر وشي و ارتعش احس بكهربا دايرة في جسمي مبترحمشِ

بقيت اقوم امشي  , اقول لنفسي "لو هي جت هتسلم ولا خلاص بقيت فراغ ميلزمشِ؟" "أخاف تزعلي لو رميت السلام تفتكري اني باجرحِك و عاوز امشي"

كان مُنايا اضل وياكي اعيش في هواكي يا احلى حاجة حصلت في حياة واحد مبيفهمشِ

كان عقابي البُعاد و الطرد من مملكتك  بس استحقه يا اللي دفع سعرك عليه مقدرشِ

كفايا عليا العذاب لما بلاقي مبتبخليش بضحكتك على الخلق كلهم و ييجي وشك في وشي تهربي

أدوّر وشي و ارتعش احس بكهربا دايرة في جسمي مبترحمشِ