كان في واحد فقير
لقى خريطة كنزين
التاني اد الاول مرتين
استعجل و هو ماشي و تعب من المشوار
راح عند الكنز الاولاني لقى فوقيه دار
معرفش يخبط عليه راح حافر حواليه
لحد ما اهل البيت سمعوا و ضربوا عليه نار
جري و استخبى بعيد
استريح تحت شجرة من جري اهل الدار العنيد
مسح عرقه في خريطة الكنز البعيد
اكتشف انه نايم فوق الكنز التاني
لام نفسه عـ محاولة حفره الاولاني
لانه كان هيبقى سارق و مش هيبقى ليه فرار
قال ينام تاني مين هيوصل للكنز المختار!
لما صحي لقى اهل الدار محاوطينه
و شايلين الكنز التاني في ايديهم
و بيقولوله اوعى تقرب لندفنك تحت الدار
و آدي اخرة اللي بيحـــتار!
فكنز في حفرة خيرٌ من عشرٍ تحت الدار!
ليست هناك تعليقات:
إرسال تعليق