لما قعدت افكر حبة في موضوع الصداقة ده
افتكرت العربية اللي بتمشي و كل ما تشوف ستيكر بتلزقه عليها عشان شكلها كدة بيبقى احسن او الجملة مفيدة
بس المرة دي احنا اللي بنلزق الاستيكرات علينا
من رأيي الناس الاجتماعية اللي بيحبوا يكونوا صداقات كتير
عمال يلزق بادج عليه كل ما يمشي شوية
لغاية ما بيوصل لنقطة ايه ده انا عندي صحاب كتير اوي!!
حرام كدة كل وقتي رايح لصحابي انا عاوز شوية وقت ليا يمكن اشوف اهتماماتي هواياتي اي نيلة
يبدأ ينسحب
مع اول بادج
آآهههعععع
عارفين طبعاً شعور لما بتشيلوا اللزقة من عـ الجلد
ده بيبقى شعورك او شعور البني آدم اللي سبته
طيب بالنسبة لموضوع الوقت ده اللي باتفنن شخصياً في تضييعه
حصيلة 20 سنة عدت من عمري
لياقة بدنية سيئة
معدل ممارسة الرياضة اقرب الى الصفر اللهم إلا بعض التمشية من حين لحين
طيب احنا مبنستفدش ليه من كلام النبي عليه الصلاة و افضل السلام لما قال "يَا أَبَا الدَّرْدَاءِ إِنَّ لِجَسَدِكَ عَلَيْكَ حَقًّا ، وَلِرَبِّكَ عَلَيْكَ حَقًّا ، وَلأَهْلِكَ عَلَيْكَ حَقًّا ، فَصُمْ وَأَفْطِرْ ، وَصَلِّ وَآتِ أَهْلَكَ ، وَأَعْطِ كُلَّ ذِي حَقٍّ حَقَّهُ" صدق رسولُ اللهِ صلى الله عليه و سلم
الملخص ان الموضوع ده في بالي بقاله مدة كبير نتيجة حاجات كتير بتحصل حواليا و يمكن لما تميت ال20 خدت بالي ان القطر بيجري
و لازم الواحد يقابل ربنا بحاجة يفخر بيها النبي صلى الله عليه و سلم
,و آخر حاجة هقولها في موضوع الصحوبية ده
| حدثنا آدم حدثنا شعبة عن قتادة عن أنس بن مالك رضي الله عنه قال قال النبي صلى الله عليه وسلم لا يجد أحد حلاوة الإيمان حتى يحب المرء لا يحبه إلا لله وحتى أن يقذف في النار أحب إليه من أن يرجع إلى الكفر بعد إذ أنقذه الله وحتى يكون الله ورسوله أحب إليه مما سواهما |
| الحاشية رقم: 1 |
متحاولش تسيب نفسك تعرف حد لغرض معين حب الناس لله و ابغض لله( إكره الغلط و متكرهش الغلطان) انا بقول لنفسي الكلام ده قبل لأي حد لاحسن تفتكروني واعِظ :D
ليست هناك تعليقات:
إرسال تعليق