كل الكلام خلص
و صبري نفد من الشوق
يا ترى كان بيوصلك
ولا لسة بينا سدود
يا ترى حاسة بيا
ولا جدار حبنا مهدود
يا ترى لسة فاكراني
ولا الفراق بيسود
ع الذكرى و الايام
اللي قضيناها سوا بنعد في الاحلام
اللي هنعيشها سوا
و مبنزهقش من الكلام
حتى لو طال الليل
و كبس علينا النوم
مبنرضاش نقوم و نسكت عن حبنا
كنا بننام و نحلم
ببعض و الايام
اللي هنرسمها بالفرشا و الالوان
كنا بنمشي في الشوارع
نقول الصدفة دي في صفنا
هشوفها هناك او هنا
اكيد هشوفها ..هي دي لا ..طب دي؟
المهم اني هشوفها و نعيش بأمل شوفة لو اتحققت
ننام نومة سعيدة
الحب بيخلينا نرضى في ليالينا
الناس فاكراه قليل
و لكن بركته كتير
واحشاني يا ----
اسمك كتبته هنا
قلبي زاد نبضه
و مخي بيعقله لاحسن يطلع من ضلوعي
و يجري عليكي يفضل بين ايديكي
حس بأمان معاكي محسهوش مع حد
من ساعتها غضبان عليا
و مبيقولش لحد
نفسي في دقيقة صفا
اقعد معاكي متخفي
لا تعرفيني
ولا تشوفيني
بس اعرف اكلمك ,اضحكك, احكيلك حكاويَّا
واحشاني يا -----
واحشاني يا -----
ليست هناك تعليقات:
إرسال تعليق