كان من دعاء رسولنا
الكريم -صلوات الله و تسليماته عليه و على آله و صحبِه و من تبعهم بإحسانٍ إلى
يومِ الدين- اللهم إنا نعوذ بك من فتنة المحيى و فتنة الممات , قعدت أفكر شوية في
موضوع فتنة المحيى ده , لقيت ان كل حاجة و تضادها ليها فتنة , يعني مش لازم ابقى
غني عشان ابقى مفتون , لا ده الفقير كمان ليه فتنة , مثلاً الميسور في الأموال ,
فتنته البذخ و حب الظهور بأشيك الملابس , و إرتداء أغلى الساعات و النظارات ,
(طبعاً زينة الدنيا حلال بس المهم عدم الإسراف و التبذير) , في ناس بتحب التفاخر و
بتتسابق في آخر موديل من كل حاجة المهم يبقى معاها اللي مش مع حد, فتنة الفقر ,
إنك تفتكر انك مستحيل تطلع من الوسط المادي اللي انت عايش فيه ده , و ان انت ربنا
غضبان عليك فهتفضل طول عمرك فقير , و فتنة الفقر بتولد شعور قوي بالحسد لكل من
رزقه الله بمال أكثر منك , مش هاطول عليكم , بس على نفس المِنوال هتلاقوا فتنة
القوي بأنه يستقوي على الناس و يستعمل قوته فيما يغضِب الله , و فتنة الضعيف في
إنه يتصرف بأن-نعوذ بالله-الأقوياء دول ربنا مش أقوى منهم – محدش بيقولها صراحةً
بس تصرفاته بتقول كدة, فتنة العالم ان
يتفاخر بعلمه و يبخل على الناس بما علمه الله , و فتنة الجاهل أن يظل على جهله ,
دوروا بقى معايا على فِتَن الدنيا و قولولي وصلتوا لأيه J .
ليست هناك تعليقات:
إرسال تعليق